Header Banner
వాట్సాప్‌లోనూ ఆర్టీసీ టిక్కెట్లు! ఆ బస్సులకు మాత్రమే! ఈ నెంబర్ కు మెసేజ్‌ పెడితే చాలు!
Sun Feb 02, 2025 14:46 Politics
వాట్సాప్ ద్వారా వివిధ ప్రభుత్వ సేవలను ఆంధ్రప్రదేశ్ ప్రభుత్వం అందుబాటులోకి తీసుకొచ్చిన విషయం తెలిసిందే. తాజాగా, ఆర్టీసీ టిక్కెట్లను కూడా ఇందులో బుక్ చేసుకోవచ్చని తెలిపింది. వాట్సప్‌ ద్వారా టికెట్లను బుక్ చేసుకున్న ప్రయాణికులను బస్సుల్లోకి అనుమతించాలని ఏపీ రాష్ట్ర రోడ్డు రవాణా సంస్థ ఆదేశాలు జారీ చేసింది. అన్ని దూరప్రాంత సర్వీసులకు వాట్సాప్ ద్వారా టికెట్ బుకింగ్‌కు అవకాశం కల్పించినట్లు తెలిపింది. దీనిపై క్షేత్రస్థాయి సిబ్బందికి అవగాహన కల్పించాలని అన్ని జిల్లాల అధికారులు, డిపో మేనేజర్లను ఈ మేరకు ఆదేశించింది.
ప్రభుత్వం అందుబాటులోకి తెచ్చిన సేవల్లో భాగంగా.. వాట్సాప్‌లో 9552300009 మొబైల్ నంబరుకు తొలుత హాయ్‌ అని మెసేజ్‌ పంపాలి. ఆ తర్వాత ఏయే సేవలు అందుబాటులో ఉన్నాయో డిస్‌ప్లే అవుతుంది. వాటిలో ఆర్టీసీ టికెట్ బుకింగ్/ రద్దు అనే ఆప్షన్‌ను ఎంపిక చేసుకోవాలి. దీనిలో బయలుదేరే ప్రదేశం, వెళ్లాల్సిన చోటు, తేదీ వంటివి నింపితే.. ఏయే సర్వీసులు అందుబాటులో ఉన్నాయి, సీట్ల వివరాలు చూపుతుంది.. వీటిలో ఖాళీగా ఉన్న సీట్లు ఎంపిక చేసుకొని ఆన్‌లైన్, డిజిటల్‌ విధానంలో నగదు చెల్లిస్తే సరిపోతుంది. బుకింగ్ పూర్తయిన వెంటనే.. మన వాట్సాప్ నంబరుకు టికెట్ వస్తుంది.
ఇంకా చదవండి: నామినేటెడ్ పదవులు ఆశించేవారు తప్పనిసరిగా ఇలా చేయాలి... ఎమ్మెల్యేలకు పలు కీలక సూచనలు!
అన్ని రకాల వార్తల కోసం ఇక్కడ క్లిక్ చేయండి
వివిధ పనుల కోసం ప్రజలు ప్రభుత్వ కార్యాలయాలకు వెళ్లకుండా ఇంటి దగ్గర నుంచే పూర్తిచేసేలా వాట్సాప్ సేవలను అందుబాటులోకి తీసుకొచ్చింది ఏపీ ప్రభుత్వం. వాట్సాప్ గవర్నెన్స్ ద్వారా ప్రజా సమస్యలను పరిష్కరించనుంది. మానవ వనరులు, ఐటీ మంత్రి నారా లోకేశ్ జనవరి 30న అధికారికంగా ఈ సేవలను ప్రారంభించారు. దీని ద్వారా తొలి దశలో 161 ప్రభుత్వ సేవలు, రెండో విడతలో 360 రకాల సేవలను అందుబాటులోకి తీసుకురానున్నారు. దేశంలోనే మొదటిసారిగా ఏపీలో వాట్సాప్ పాలనను అమలు చేస్తుండటం విశేషం.
సేవల ప్రారంభం సందర్భంగా మంత్రి లోకేశ్ మాట్లాడుతూ.. ఈ నంబరు వన్‌స్టా్‌ప్ సెంటర్‌లా పనిచేయనుందని తెలిపారు. సర్టిఫికెట్ల మీద క్యూ ఆర్‌ కోడ్‌లతో జారీ చేస్తామని, దానిని స్కాన్‌ చేస్తే వాటి వివరాలు ప్రభుత్వ వెబ్‌సైట్‌లో కనిపిస్తాయన్నారు. దీని వల్ల నకిలీ పత్రాలను సృష్టించే అవకాశం ఉండదని మంత్రి లోకేశ్ పేర్కొన్నారు.
#AndhraPravasi #Politics #TDP #JSP #YCP #PawanKalyan #Janasena #AP #AndhraPradesh #YSJagan #Assembly #BJP #NaraLokesh #PawanKalyan #PSPK #HighCourt #Amaravathi #BJP
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.